د مالیې وزیر د ازبکستان هیواد له یو شمېر پانګوالو سره وکتل!
د مالیې وزیر الحاج ملا محمد ناصر اخوند په خپل کاري دفتر کي د ازبکستان هیواد له یو شمېر پانګوالو سره وکتل
د مالیې وزیر په پیل کي د ازبکستان هیواد څخه راغلیو پانګوالو ته د ښه راغلاست تر څنګ وویل، چي په هیواد کي د پانګوني له پاره اړین فرصتونه برابر دي؛ فساد له منځه وړل سوی او بشپړ امنیت ټینګ سوی دئ، چي ټول کورني او بهرني پانګوال له دې فرصت څخه په ګټي اخیستني سره په ډاډه زړه په مختلفو برخو کي پانګونه کولای سي.
ازبکستاني پانګوالو په افغانستان کي د معدنونو، صنعت، برېښنا او د سیسټمونو د عصري کولو په برخو کي د پانګوني لېوالتیا وښوده او د پانګوني له پاره ئې د اړینو همکاریو غوښتنه وکړه.
د مالیې وزیر په افغانستان کي د ازبکستاني پانګوالو د پانګوني له لیوالتیا څخه مننه وکړه او دوی ته ئې په یادو برخو کي د پانګوني له پاره د لازمي همکارۍ او اړینو اصولي اسانتیاوو برابرولو بشپړ ډاډ ورکړ.
