د مالی وزارت ۳ او ۴ بستونو اطلاعیه
درنو هیوادوالو!
د مالیې وزارت رهبرۍ د اصلاحاتو راوستلو او د مسلکي کادرونو د جذب په موخه، ازادې سیالۍ ته د تشو بستونو وړاندې کولو په لړ کې دا دی یاد وزارت ۷۷ څلورم او درېیم بستونه ازادې سیالۍ ته وړاندې کوي. د اعلان شویو بستونو په شرایطو برابرو کسانو څخه په درنښت هیله کیږي چې په خپل ګډون سره د ملکي خدمتونو په ادارو کې د لا زیاتو اصلاحاتو راوستلو لپاره هر اړخیزه هڅه وکړي څو وکولی شو له اداري فساد څخه پاکه اداره رامنځته کړو.
د یادونې وړ ده چې په شرایطو برابر کسان کولی شي فورمه او همداشان د اعلان شویو بستونو د دندو لایحه د مالیې وزارت له ویب سایټ او فیسبوک څخه د اعلان له خپریدو وروسته (۲۴/۰۷/۱۳۹۹ – ۰۸/۰۸/۱۳۹۹) تر لاسه د فورمې له ډکولو وروسته له خپلو معتبرو تحصیلي سندونو او کاري تجربې سره یو ځای په فزیکي ډول لاندې ادرس ته وسپاري.
د مرکزي ثبت و فکري مالکیت ریاست – د اسان خدمت ودانۍ – د افغانستان کرکټ بورډ ته څیرمه.
د اړیکې شمېرې : 0202924395 – 0766705651
