د مرکز او ولایتي ګمرکونو د آرشیف کارکوونکو ته انلاین روزنیز پروګرام جوړ سو!
د بشري سرچینو ریاست له لوري او د ګمرکونو لوی ریاست په همکارۍ د ولایتي او مرکز ګمرکونو د آرشیف کارکوونکو ته انلاین روزنیز پروګرام جوړ سو.
په دې پروګرام کي، چي د درېیو ورځو لپاره به د مالیې وزارت په خیبرهال کي دوام وکړي، د اسنادو او اړیکو ریاست کارپوهان به د آرشیف، د آرشیف د ډولونو، د آرشیف د ارزښت، د ادارو لپاره د آرشیف د ګټو په اړه هر اړخیز معلومات وړاندي کړي.
د یادوني وړ ده، چي مالیې وزارت تل هڅه کړې، چي په خپلو اړوندو څانګو کي د حضوری او غیر حضوري یا انلاین روزنیزو پروګرامونو په ترسره کولو سره د کارکوونکو د مسلکي پوهي کچه لوړه کړي؛ تر څو هغوی وکولای سي، چي ورسپارل سوي دندي په غوره او اصولي بڼه پرمخ یوسي.
