د مصؤنو دولتي سندونو د چاپولو ملي پروژې ودانۍ بنسټیزه او مډرنه جوړېږي
د مالیې وزارت اداري مرستیال ښاغلي عبدالحبیب ځدراڼ، نن د غبرګولې میاشتې په ۲۹ مه نېټه د مصؤنو دولتي سندونو د چاپولو ملي پروژې ودانۍ بنسټیزې او مډرنې جوړېدو لپاره د خبرو په موخه د جمهوري ریاست د ملي پراختیا د عملیاتي او حمایوي ادارې، بنایي ودانیزې تصدۍ او د مصؤنو سندونو چاپ له مسؤلینو سره وکتل.
په دې کتنه کې په بنسټیزې او پرمختللي ډول د مصؤنو دولتي سندونو د چاپولو ملي پروژې ودانۍ په جوړېدو، تخنیکي جزیاتو، د دې پروژې د پلي کیدو په مودې او د اړتیا وړ ماشینونو په تړاو بحثونه او د نظرونو تبادله وشوه.
ټاکل شوې ده د دې پروژې د پلي کولو قرارداد په راتلونکو ورځو کې د مالیې وزارت او د جمهوري ریاست ملي پراختیا له عملیاتي او حمایوي ادارې، سره لاسلیک شي.
