د ننګرهار او هرات ګمرکونو کارکوونکو ته د ګمرکي مسایلو په تړاو ښوونیز پروګرامونه پیل سول!
د ګمرکونو او عوايدو ملي اکاډمۍ له لوري د (۱۴۰۳ هـ.ل) کال د تدریسي پلان له مخي د ساحوي روزنیزو پروګرامونو په لړ کي د ننګرهار او هرات ګمرکونو کارکوونکو ته د ګمرکي مسایلو د زده کړي او د کارکوونکو د ظرفیت لوړوني په موخه د ګمرکونو قانون، ګمرکي کړنلارو، ګمرکي بيي ټاکني، تعرفې، ګمرکي رويو، ګمرکي عوارضو او نورو اړوندو برخو کښي په نظري ډول او په ورځني ډول د کارکوونکو د کارونو د ارزولو او ګمرکي اصولو د تطبیقاتو په موخه په عملي شکل روزنه پیل سوه.
یاد روزنیز پروګرامونه، چي يوه نیمه میاشت به دوام وکړي د یادو ګمرکونو د کارکوونکو ظرفیت ته په کتو سره به د دوی مسلکي اړتیاوي ور پوره او شته ستونزي حل کړي.