د ننګرهار په ګمرک کي د بار وړونکو موټرونو له پاره تمځای جوړ او ګټي اخیستني ته وسپارل سو!
د کب ۲۹مه ۱۴۰۳هـ.ل
د مالیې وزارت د ګمرکونو لوی ریاست د (۸،۵) میلیونه افغانیو په ارزښت د ننګرهار ولایت محصولي ګمرک کي د بار وړونکو موټرونو له پاره تمځای جوړ او ګټي اخیستني ته وسپاره.
د موټرونو یاد تمځای، چي شاوخوا (۲۰) جریبه ساحه کېږي په اساسي ډول جغل اچونه سوې، چي په جوړېدو سره ئې د سوداګریزو توکو د تشرېح په برخه کي د ګمرک کارکوونکو او موټرچلوونکو ته ګڼي اسانتیاوي برابري سوي دي.
د یادولو وړ ده، چي د یادي پروژې لګښت د مالیې وزارت له پراختیایي بودیجې څخه ورکول سوی او چاري ئې هم د یو افغاني شرکت له لوري په (۳) میاشتو کي بشپړې سوې.
