د نیمروز او سپین بولدک په ګمرکونو کي د ۱۹ میلیونه افغانیو په ارزښت د ارشیفونو جوړولو پروژې پیل سوې!
د مالیې وزارت د ګمرکونو لوی ریاست د (۱۹،۲) میلیونه افغانیو په ارزښت د نیمروز او سپین بولدک په ګمرکونو کي د ارشیفونو د جوړولو پروژې پیل کړې.
د یادو پروژو لګښت د مالیې وزارت له پراختیایي بودیجې څخه ورکول کېږي، چي چاري به ئې تر راتلونکو لسو میاشتو پوري بشپړي سي او ورسره به د ګمرکي سندونو د خوندي ساتلو په برخه کي ګڼي اسانتیاوي رامنځته سي.
د یادوني وړ ده، چي د مالیې وزارت له لوري د هیواد د ګمرکونو د عصري کولو، د سوداګرو له پاره د اسانتیاوو رامنځته کولو او په هیواد کي د سوداګرۍ د لا ودي په موخه ګڼي ګمرکي پروژې پلي سوي دي او یو شمېر ئې د پلي کېدو په حال کي دي.
