د نیمروز ولایت د عوایدو، د بلخ ولایت د ګمرکونو او د مرکزي زون کارکوونکو له پاره روزنیز پروګرامونه پای ته ورسېدل!
د غویي ۳۱مه ۱۴۰۴هـ.ل
د مالیې وزارت د ګمرکونو او عوایدو ملي اکاډمۍ له کلني تدریسي پلان سره سم، د نیمروز ولایت (۳۴)تنو کارکوونکو ته د (عوایدو د مالیاتي قوانینو او سيکټاس سیسټم) تر عنوان لاندي د مالیې ډولونو، د مالیه ورکوونکو حقوق او مکلفیتونو او د مالي نورمونو په تړاو او د بلخ ولایت د ګمرک (۴۱)تنو کارکوونکو ته (د ګمرکي ادارې او مسلکي چارو) تر عنوان لاندي د ګمرکي اهدافو او مکلفیتونو، د اظهارنامې سنجش، محاسبو او ټرانزیټ په تړاو او همدارنګه د مرکزي زون (۱۷)تنو کارکوونکو ته (د مالیاتي قوانینو او سيکټاس سیسټم) تر عنوان لاندي د مالیاتي قوانینو، طرزالعملونو، پروسیجرونو او سیسټمونو په تړاو روزنیز پروګرامونه پای ته ورسېدل.
د یادوني وړ ده، چي د مالیې وزارت هڅه کوي، د دغه ډول پروګرامونو په جوړولو سره د خپلو اړوندو ادارو ټول کارکوونکي په مسلکي وړتیاوو سمبال کړي؛ ترڅو سته ستونزي حل او د غوره خدمتونو په وړاندي کولو سره هيوادوالو ته لا هوساینه رامنځته کړي.
.
