د نیمروز ګمرک د ګرځنده څارني مسؤلینو د انساني ویښتانو او مسو د قاچاق مخنیوي وکړ
د نیمروز ګمرک د ګرځنده څارني مسؤلینو له یوه ۳۰۳ ډوله موټر څخه ۱۴۵ کیلو ګرامه د انسان د سر ویښتان او ۶۰ خادې مس، چي مجموعي وزن ئې ۲۴۰۰ کیلو ګرامه کېده کشف او د قاچاق مخه ئې ونیول سوه. دغه قاچاق کېدونکي د سر ویښتان په ډېر مهارت سره ځای پر ځای سوي وو او غوښتل ئې پاکستان هیواد ته ئې قاچاق کړي.
همداشان یادو مسؤلینو په دوو بار وړونکو موټرو کي ۱۱ کارتنه بېلابېل ډوله طبي درمل هم نیولي، چي د نورو اجرااتو لپاره د نیمروز ګمرک ته لېږدول سوي دي.
د یادوني وړ ده، چي اوس مهال د ګمرکونو لوی ریاست د ګرځنده څارني ټیمونه د هیواد په کچه په ټولو لویو لارو کي فعالیت لري او چا ته اجازه نه ورکوي چي قاچاقي او ممنوعه توکي صادر او یا وارد کړي
