د هیواد د سترو ګمرکونو چاري د تېر کال په پرتله ۲۰ سلنه نوري هم مثبتي سوي دي!
د ګمرکونو لوی ریاست د اغېزمنو پالیسو د پلي کېدو او د مالیې وزارت د رهبرۍ د ځانګړي پاملرني په پایله کي د تېر کال سلواغې میاشتي په پرتله د عوایدو راټولېدو، تر سره سوي سوداګرۍ، د وارداتي توکو ګمرکي ارزښت او د سوداګریزو محمولو د شمېر او ثبت سوي وزن په برخو کي د (پکتیا، فراه، هرات، نیمروز، ننګرهار، بلخ، کندز، خوست او کندهار) ګمرکونو چاري په روان مالي کال کي په منځني ډول (۲۰٪) نوري هم مثبتي سوي دي، چي د ګمرکي عوایدو ستره برخه له یادو ګمرکونو څخه ترلاسه کېږي.
د مالیې وزارت رهبري د یادو ګمرکونو د مسؤلینو او کارکوونکو صادقانه کړني او د دوی تر سره سوي فعالیتونه ستایي او قدردانی ئې کوي.
