د هیواد د ګمرکي چارو د لا ښه والي په موخه مشورتي ناسته وسوه!
د ګمرکونو لوی رئیس الحاج مفتي عبدالمتین سعید په مشرۍ د ګمرکونو له مسؤلینو سره په نوي مالي کال کي د ګمرکي چارو د لا ښه والي په موخه مشورتي ناسته د ګمرکونو او عوایدو معینیت د غونډو په تالار کي جوړه سوه.
په دې ناسته کي په ګمرکونو کي سوداګرو ته د لازمو اسانتیاوو په رامنځته کېدو، په هیواد کي د سوداګرۍ پر لا ودي، پر خپل وخت سره د سوداګرو ستونزو ته د رسېدو، د ګمرکي بهادارو سندونو پر کنټرول، د کارکوونکو د وړتیا پر لوړولو، د قاچاقي توکو پر مخنیوي، د ګمرکي طی مراحلو پر ساده کولو، په ګمرکونو کي د پراختیایي پروژو پر پلي کېدو او د یادو پروژو له روانو چارو څخه پر څارني، د اداري چارو پر لا ښه والي، د ګمرکونو په ګودامونو کي له ضبطي توکو څخه پر څارني او یو شمېرو نورو اړوندو موضوعاتو بحث، سلا مشورې او په اړه ئې لازمي پریکړي وسوې
