د هیواد په څلورو ګمرکونو کي د نږدې (۵) میلیونه افغانیو په ارزښت د سړخونو د بیارغوني پروژه پیل سوه!
د چنګاښ ۳۱مه ۱۴۰۴هـ.ل
د مالیې وزارت د ګمرکونو لوی ریاست د (۴،۹) میلیونه افغانیو په ارزښت د (هرات، نیمروز، خوست او ننګرهار) په ګمرکونو کي د سړخونو د بیا رغوني پروژه پیل کړه.
د یادو سړخونو په رغېدو سره به د سبزیو، تازه مېوو، خوراکي توکو او درملو د خوندي او غوره ساتني په برخه کي سوداګرو ته ګڼي اسانتیاوي رامنځته سي.
د دې پروژې لګښت د مالیې وزارت له پراختیایي بودیجې څخه ورکول کېږي او چاري به ئې په درېیو میاشتو کي بشپړي سي.
د یادولو ده، چي د مالیې وزارت له لوري د هیواد د ګمرکونو د عصري کولو، بیارغوني او سوداګرو ته د لا ډېرو اسانتیاوو د رامنځته کولو په موخه بېلابېلي پراختیایي پروژې پلي سوي او یو شمېر ئې د پلي کېدو په حال کي دي.
