د ولایتي ګمرکونو له ترخیص وروسته د پلټني د برخي کارکوونکو ته جوړ سوی روزنیز ورکشاپ پای ته ورسید!
د مالیې وزارت د ګمرکونو او عوايدو ملي اکاډمۍ د روزنیزو پروګرامونو په لړۍ کي د ولایتي ګمرکونو له ترخیص وروسته د پلټني برخي کارکوونکو ته جوړ سوی یو میاشتنی روزنیز ورکشاپ پای ته ورسېد.
په دې ورکشاپ کي، چي د ولایتي ګمرکونو (۲۳) تنو کارکوونکو ګډون کړی وو، په اړوندو برخو کي عملي او نظري روزني ورکړل سوې.
د ورکشاپ په پای کي د ګمرکونو لوی ریاست د قانون د تنفیذ او اطاعت پذیرۍ د رئیس او نورو مسئولینو له لوري فارغ سویو کارکوونکو ته لازمي سپارښتني وسوې او تصدیق پاڼي هم ورکړل سوې.
د یادوني وړ ده، چي له دې وړاندي هم د مالیې وزارت د ګمرکونو او عوايدو ملي اکاډمۍ له لوري په مرکز او ولایتونو کي د کارکوونکو د وړتیا لوړولو او د چارو د لا ښه والي له پاره ورته روزنیز ورکشاپونه جوړ سوي او په راتلونکي کي به هم دوام ولري
