د پکتیا ګمرک له پاره د لمریزي برېښنا سیسټم د جوړولو پروژه پیل سوه!
د غویي ۱۴مه ۱۴۰۴ هـ.ل
د مالیې وزارت د ګمرکونو لوی ریاست د (۸،۸) میلیونه افغانیو په ارزښت د پکتیا ګمرک له پاره د لمریزي برېښنا سیسټم د جوړولو پروژه پیل کړه.
په داسي حال کي، چي د برېښنا اوسنی لګښت له جنراټور څخه دئ او په منځني ډول د کال څه باندي (۲،۶) میلیونه افغانۍ د تېلو لګښت راځي، چي د دې سیسټم په جوړېدو سره به د برېښنا لګښت را کم او په ذکر سویو افغانیو کي به سپما را منځته سي.
د یادولو ده، چي د یادي پروژې لګښت د مالیې وزارت له پراختیایي بودیجې څخه ورکول کېږي او چاري به ئې د یوه افغاني شرکت له لوري په راتلونکو دوو میاشتو کي بشپړي سي.
