د څه باندي ۱۰ میلیونه افغانیو په ارزښت د آقینې ګمرک د ارشیف جوړولو پروژه پیل سوه!
د ګمرکونو لوی ریاست د (۱۰،۱) میلیونه افغانیو په ارزښت د فاریاب ولایت د آقینې په ګمرک کي د ارشیف جوړولو پروژه پیل کړه.
د دغي پروژې لګښت د مالیې وزارت له پراختیایي بودیجې څخه ورکول کېږي، چي چاري به ئې تر راتلونکو اتو میاشتو پوري بشپړي سي.
د دې پروژې په پلي کېدو سره به د آقینې په ګمرک کي د ګمرکي سندونو د خوندي ساتلو په برخه کي ګڼي اسانتیاوي رامنځته سي.
د یادوني وړ ده، چي په ګمرکونو کي د سوداګرو له پاره د اسانتیاوو د رامنځته کولو او په هیواد کي د سوداګرۍ د لا ودي په موخه د ګمرکونو لوی ریاست هڅه کوي، چي د هیواد په ګمرکونو کي پراختیایي پروژې پلي او په عصري وسایلو ئې سمبال کړي
