د ډند پټان ګمرک کارکوونکو ته (۱۵) ورځنی روزنیز پروګرام پیل سو
د مالیې وزارت د ګمرکونو او عوايدو ملي اکاډمۍ د (۱۴۰۳هـ.ل) کال له تدریسي پلان سره سم، د ساحوي روزنیزو پروګرامونو په لړ کي د پکتیا ولایت د ډند پټان ګمرک کارکوونکو ته د ګمرکي مسایلو په تړاو روزنیز پروګرام پیل سو.
په دغه (۱۵) ورځني روزنیز پروګرام کي د مجربو ښوونکو له لوري کارکوونکو ته د ګمرکونو د قانون، ګمرکي کړنلارو، ګمرکي بیي ټاکني، تعرفې او اړوندو نورو برخو کي روزنه ورکول کېږي.
همداراز به کارکوونکو ته د نظري زده کړو تر څنګ عملي زده کړي هم ورکول سي.
