د ډنډپټان او غلام خان په سرحدي ګمرکونو کي د قیمت ګذارۍ ماډیول پلی سو
د ګمرکونو لوی ریاست د کاري بهیر د چټکتیا او سوداګرو ته د لا اسانتیا رامنځته کولو په موخه د ډنډپټان او غلام خان په سرحدي ګمرکونو کي د قیمت ګذارۍ ماډیول پلی کړ.
د دې ماډیول په پلي کېدو سره سوداګر کولای سي له خپل کار ځای او یا هم له هیواد څخه بهر د خپل یوزر له لاري د (اسیکوډا) په سیسټم کي د نوي ټي اس سي (TSC) کوډ د غوښتلو فورمه ثبت کړي. له دې وړاندي به سوداګرو د نوي ټي اس سي (TSC)کوډ د غوښتلو لپاره اړونده فورمه قلمي ډکوله او په فزیکي ډول به ئې مربوطه ګمرک ته سپارله، چي پړاوونو ئې څو ورځي نیولې.
باید ووایو، چي د دغه ماډیول په پلي کېدو سره اوس مهال د نوي (ټي اس سي) کوډ غوښتنه د سیسټم له لاري په څو دقیقو کي تر سره کېږي او ګڼي اسانتیاوي ئې رامنځته کړي دي.
