د کاپیسا ولایت د مستوفیت کارکوونکو ته روزنیز پروګرام پیل سو!
د تلي ۱۰مه ۱۴۰۴هـ.ل
د مالیي وزارت د ګمرکونو او عوایدو ملي اکاډمۍ له تدریسي پلان سره سم د کاپیسا ولایت د مستوفیت د عوایدو برخي کارکوونکو ته د مالیاتي قوانینو او سیسټمونو تر سرلیک لاندي روزنیز پروګرام پيل سو.
دغه روزنیز پروګرام به (۲۳)ورځي دوام وکړي، چي په لړ کي به ئې ګډونوالو ته مالیاتي قوانین، طرزالعملونه، محاسبات او مالیاتي سیسټمونه د مجربو ښوونکو له لوري تدریس سي.
د یادوني ده، چي د دغه پروګرام په ترسراوي سره به د یاد مستوفیت د کارکوونکو وړتیاوي لوړي او کاري پروسو کي به د پام وړ روڼتيا او پرمختګونه رامنځته سي
