د کندهار ولایت د ګمرک کارکوونکو ته روزنیز پروګرام پیل سو!
د ګمرکونو او عوايدو ملي اکاډمۍ له لوري د (۱۴۰۳هـ.ل) کال له روزنیز پلان سره سم د ساحوي روزنیزو پروګرامونو په لړ کي د کندهار محصولي ګمرک کارکوونکو ته د ګمرکي مسایلو د زده کړي او د کارکوونکو د ظرفیت لوړوني په موخه د ګمرکي قوانینو، ګمرکي کړنلارو، ګمرکي بيي ټاکني، تعرفې او نورو اړوندو مواردو په برخه کي روزنیز پروګرام پیل سو.
دغه پروګرام، چي یوه میاشت به دوام وکړي د یاد ګمرک د کارکوونکو مسلکي او مدیریتي اړتیاوي به بشپړي او د دوی شته ستونزي به حل کړي.
د یادوني وړ ده، چي د ګمرکونو او عوایدو ملي اکاډمۍ له لوري ورته روزنیز پروګرامونه په مرکز کابل او ولایتي ادارو کښي مخکي هم پلي سوي او له دې وروسته به هم پلي سي.