د کورنۍ پلټني پلاوي یو شمېر ولایتونو ته سفر وکړ !
د مالیې وزارت د کورنۍ پلټني لوی ریاست اړوند د عوایدو او ګمرکونو پلټني د رئيس مولوي فضل الرحمن فضلي په مشرۍ یوه پلاوي، چي د دې ریاست د بودیجې او خزاینو د پلټني ریاست رئیس مولوي سید احمدالله حقاني ئې ملتیا کوله د پلټني سپارښتنو د پلي کولو تعقیب (Audit Follow-up) په موخه کندهار، فراه، نیمروز، هلمند، غور او هرات ولایتونو ته سفر وکړ.
د کورنۍ پلټني لوی ریاست پلاوي د سفر پر مهال د یادو ولایتونو له ګمرکونو او مستوفیتونو څخه لیدنه وکړه او د تېرو پلټنو په ترڅ کي د پلټونکو له لوري د ورکړل سوو اصلاحي سپارښتنو د پلي کولو څرنګوالی ئې تعقیب کړ. د کورنۍ پلټني لوی ریاست پلاوي د یادو ادارو له مسؤلینو څخه وغوښتل، چي د پلټني د اغېزمنتوب او چارو د سمون په موخه د پلټني سپارښتني په ټاکلي موده کي پلي کړي او راپور ئې له مرکز سره شریک کړي.
د کورنۍ پلټنې لوی ریاست ژمن دئ، چي د پلټني د چارو د اغېزمنتیا په موخه د پلټونکو له لوري اړوندو ادارو ته ورکړل سوي سپارښتني په منظمه او پرلپسې توګه تعقیب کړي.
