د ګمرکونو لوی رئیس د نيمروز ولایت له سوداګرو سره وکتل
د ګمرکونو لوی رئیس ښاغلی مفتي عبدالمتین سعید، چي د هرات او فراه ګمرکونو له ارزوني وروسته نيمروز ولايت ته په رسمي سفر تللی، تېره ورځ يي د نیمروز ولایت له یو شمېر سوداګرو سره د ولایت په مقام کي کتلي.
په دې کتنه کي چي د نيمروز والي ښاغلي مولوي نجیب الله رفیع او د رئیس الوزرا د اقتصادي مرستيال سلاکار ښاغلي حاجي ابراهیم حکمت هم شتون درلود، په پيل کي د نيمروز والي راغلي پلاوي ته د ښه راغلاست تر څنګ د ياد ولايت سوداګرو ته وویل چي راغلي پلاوي سره د حل په موخه خپل اړوند ستونزي شريکي کړي.
ورپسې د نيمروز ولايت سوداګرو په خپل وار سره په ګمرکونو کي د خپلو شته ستونزو يادونه وکړه.
په پای کي د ګمرکونو لوی رئیس خبري وکړې او وويل چي د ګمرکونو لوی رياست هڅه دا ده، چي د سوداګرو ستونزو ته د رسيدني او دوی ته د لا اسانتيا برابرولو تر څنګ په ګمرکونو کي ګمرکي طی مراحل ساده او لا چټک کړي.
