د ګمرکونو لوی ریاست اداري ناسته جوړه سوه
د ګمرکونو لوی ریاست د روان مالي کال (۱۸)مه اداري ناسته د ګمرکونو لوی رئیس الحاج مفتي عبدالمتین «سعید» په مشرۍ د یاد ریاست په مقام کي جوړه سوه.
په دې ناسته کي، چي د ګمرکونو لوی ریاست تخنیکي او عملیاتي مرستیالانو، رئیسانو او یو شمېر آمرینو ګډون کړی وو، د ګمرکونو لوی ریاست د اړوندو چارو په لا ښه والي، په ورځنیو چارو، په ګمرکونو کي د یو شمېر سوداګریزو شرکتونو د وارداتي، صادراتي او ټرانزیټي توکو د طی مراحلو په شته ستونزو او حل لارو، سوداګرو ته د لازمو اسانتیاوو په رامنځته کولو او یو شمېر نورو اړوندو موضوعاتو په تړاو بحث او د نظرونو تبادله وسوه او په اړه ئې لازمي پرېکړي وسوې.
