د یو شمېر دولتي شرکتونو عمومي ارزونه تر سره سوه
د مالیې وزارت دولتي شرکتونو عمومي ریاست له لوري د ارزاق، افغانطيور، نفت او ګازو او افغان نساجي دولتي شرکتونو عمومي ارزونه د متوازن کارت له مخي په سټنډرډ او معیاري ډول تر سره سوه.
دغه ارزونه چي پر نړیوال معیار او سټنډرډ برابرو اصولو ترسره کېږي، مشري ئې د دولتي شرکتو د ریاست او تطبیق ئې د رهبرۍ د مدیره هئیت د غړو لخوا پرمخ وړل کېږي.
په دې ارزونه کي د هر شرکت مالي، سوداګریزه، اداري، ودي او ارتقاء برخي شاملي دي، چي د هر شرکت ارزیابۍ له یوې تر دوو ورځو دوام کوي.
د یادوني وړده، چي د دې ارزوني په پایله کي به د ټولو دولتي شرکتو ارزیابي وسي، نیمګړتیاوي به په نښه سي، تولیدات به معیاري او مسلکي کادرونه به په کار وګمارل سي.
