د ۱۴۰۱ کال لپاره د خصوصي سکټور د ستونزو، فرصتونو او لومړیتوبونو ارزولو په موخه د دې سکټور ملي کنفرانس تر سره سو

admin_mof
پنجشنبه ۱۴۰۰/۱۲/۱۲ - ۱۷:۳
خبر

د ۱۴۰۱ کال لپاره د خصوصي سکټور د ستونزو، فرصتونو او لومړیتوبونو ارزولو په موخه د دې سکټور ملي کنفرانس د کابل په سرینا هوټل کي تر سره سو.

په دې کنفرانس کي د افغانستان اسلامي امارت د رئیس الوزراء اقتصادي مرستیال ملا عبدالغني برادر، د مالیې وزیر الحاج ملا هدایت الله بدري، د صنعت او سوداګرۍ وزیر نور الدین عزیزي، د سوداګرۍ او صنایع خونې مدیره پلاوي لومړي مرستیال الحاج محمد یونس مومند، د افغانستان بانک عمومي رئیس حاجي محمد ادریس او یو شمېر سوداګرو او صرافانو ګډون کړی وو.

دغه کنفرانس چي د قرآن عظیم الشان د مبارکو ایاتونو په تلاوت سره پیل سو، الحاج محمد یونس مومند ګډونوالو ته د ښه راغلاست ترڅنګ وویل: چي نننی کنفرانس په تېرو شپږو میاشتو کي د خصوصي سکټور د فعالیتونو په پرمختګ کي پرتو ستونزو او د شته فرصتنو د ارزوني لپاره جوړ سوی دئ. همدا شان هغه زیاته کړه، چي دغه کنفرانس چاره برابروي چي د اسلامي امارت په مشرۍ د سوداګرۍ او صنایع خوني ستونزي یو له بل سره له نږدې شریکي سي او د حل لارو لپاره یې لازم ګامونه پورته سي.

د حکومت د اقتصادي رهبرۍ مرستیال ملاعبدالغني برادر وویل: دا چي له تاسو سوداګرو سره له نږدې وینم خوشحاله یم، له نن ورځي څه موده وړاندي د هیواد خلک له ناامنۍ، فساد او بې عدالتۍ څخه رنځېدل، ولي اوس چي د الله تعالی په نصرت سره اسلامي امارت خپل واک ته رسېدلی، د فساد او بې عدالتۍ لمن ور ټوله سوې او په ټول هیواد کي بشپړ امنیت تآمین دئ او د پانګوني چاره برابره سوې ده. له سوداګرو او پانګوالو څخه غواړو چي راسي او په خپل هیواد کي پانګونه وکړي؛ ترڅو د اقتصادي ودي او له بېوزلۍ څه د خلکو د را ګرځېدو سبب وګرځي.

ورپسې د مالیې وزیر الحاج ملاهدایت الله بدري وویل: چي موږ هڅه کړې د خصوصي سکټور ستونزو ته رسېدنه وکړو او د خصوصي سکټور په مخ کي پرتې ستونزي د همدې سکټور له استازو او اړوندو ارګانونو سره د یوې بشپړي همغږۍ له لاري هواري کړو. نوموړي زیاته کړه، چي د مالیې وزارت هڅه کوي، څو ټول بندرونه معیاري کړي، د افغان سوداګرو او صنتکارانو لپاره د معیاري خدمتونو وړاندي کولو له لاري د دوی ستونزي حل کړي او ګڼ شمېر اسانتیاوې ورته برابري کړي.

خبر

ورپسې د خصوصي سکټور استازو خپلي ستونزي او په مخ کي پراته خنډونه له ګډونوالو سره شریک کړل او د خصوصي سکټور د ودي پیاوړي کولو او هیوادوالو ته د غوره خدمتونو وړاندي کولو لپاره یې خپل وړاندېزونه په ډاګه کړل.

همدا شان په دې کنفرانس کي خصوصي سکټور په ۸  کاري ګروپونه ووېشل سو، چي (د بانکدارۍ او مالي خدمتونو سکټور، د کانونو او صنعت سکټور، روغتیا سکټور، د ټرانسپورټ او سوداګرۍ سکټور، د متشبیثو ښځو سکټور، د خصوصي لوړو زده کړو سکټور او د غالیو او لاسي صنایعو سکټور) پکښي شامل ول او یادو سکټورونو د ستونزو، وړاندیزونو او لومړیتوبونو په ټاکلو سره بحثونه او د نظرونو تبادله وکړه او په دې تړاو یې پریزینټېشن هم وړاندي کړ.

د یادونې وړده، چي په دې کنفرانس کي ملا عبدالغني برادر او الحاج ملاهدایت الله بدري، ته د دوی د همکارۍ او غوره خدمتونو وړاندي کولو په ویاړ د سوداګرۍ او صنایع خوني عالي نښان او ستاینلیکونه ډالۍ سول.

تازه خبرونه

پنجشنبه ۱۴۰۱/۷/۷ - ۱۰:۱۸
Background image

په ننګرهار ولایت کي نظامي توکي نیول سوي

د مالیې وزارت د ګمرکونو د ساتني او ځانګړو عملیاتو تنفیذي قطعې زړورو ځواکونو د ننګرهار ولایت په ګمرک کې یو شمېر نظامي توکي چي

پنجشنبه ۱۴۰۱/۷/۷ - ۱۰:۱۳
Background image

د پلټني د سپارښتنو د تطبیق تعقیب کمېټې غړو بغلان، جوزجان او سرپل ولایتونو ته سفر وکړ 

د پلټني سپارښتنو د تطبیق تعقیب کمېټې د ولایتي سفرونو په لړ کي دا ځل د (Audit Follow-up) په موخه د مالیې وزارت د کورنۍ پلټني

چهارشنبه ۱۴۰۱/۷/۶ - ۱۲:۰
Background image

مالیې وزارت له لوري پر مالیاتي قوانینو د پوهاوي سیمینار وړاندي سو

د مالیې وزارت د عوایدو لوي ریاست له لوري د مالیاتي قوانینو، طرزلعمولونو، لارښودونو، لایحو، سیسټمونو او لاسته راوړنو د پوهاوي یو ورځینی

BACK TO NEWS