له دې وروسته په ګمرکونو کي د معارف اعانه په اظهارلیک کي اخیستل کېږي
د ملي سوداګرو د غوښتني او د ګمرکونو لوی ریاست د رهبرۍ د پرېکړي له مخي سوداګرو ته د اسانتیا رامنځته کولو او د ګمرکي پړاوونو د ساده کولو په موخه، له دې وروسته به د معارف اعانه په ګمرکي اظهار لیک کي اخیستل کېږي.
له دې وړاندي سوداګر مکلف وو، چي د معارف اعانې پیسې د لاسي تعرفې له لاري په فزیکي ډول اړوندو بانکونو کي تحویل کړي چي اوس مهال دا پروسه سیسټمي سوه، په اتومات ډول به ثبت او محاسبه کېږي.
د یادوني وړ ده، چي د ګمرکونو لوی ریاست په دې هڅه کي دی، چي په هیواد کي د سوداګرۍ د لا پراختیا، د ګمرکي پړاوونو اسانه کولو او سوداګرو ته د اسانتیا رامنځته کولو په موخه د سوداګرو ټولې اصولي غوښتني ومني.
