مطبوعاتي اعلامیه

admin_mof
پنجشنبه ۱۴۰۰/۱۰/۳۰ - ۱۱:۳۷

د (افغانستان د اقتصاد کنفرانس: نوی پیل) په نامه یو ورځنی کنفرانس د مالیې وزارت په ابتکار د ۲۰۲۲ کال جنوري میاشت په ۱۹مه د افغانستان د ارګ په چهارچینار ماڼۍ کې ترسره سو.

دغه کنفرانس چي د اد (افغانستان د اقتصاد کنفرانس: نوی پیل) په نامه یو ورځنی کنفرانس د مالیې وزارت په ابتکار د ۲۰۲۲ کال جنوري میاشت په ۱۹مهفغانستان اسلامي امارت د رئیس الوزرا‌‌ء الحاج ملا محمد حسن اخند، لخوا پرانیستل سو، د کابینې محترمو غړو، د ۱۶ ملګرو هیوادونو سفیرانو ، د ۸ نړیوالو سازمانونو استازو، د خصوصي سکټور استازو، اکاډمیکو ټولنو، اقتصادي متخصصینو او مدني ټولنې هم په دغې پرتمینه ناسته کې ګډون درلود.

د رئیس الوزراء مرستیال ښاغلي عبدالسلام حنیفي په خپلو مهمو ویناوو کې د افغانستان د اقتصاد لپاره د اسلامي امارت لیدلوری او عبوري ستراتیژي وړاندې کړه او د افغانستان لپاره د ملګرو ملتونو سازمان د سرمنشي ځانګړې استازی هم دغې غونډې کي ځانګړې ویناوې وکړې او همدارنګه افغان حکومت د تېرو ۵ میاشتو مهمې لاسته راوړنې به مختصر ډول وړاندې کړې.

د افغانستان دولت اقتصادي لیدلوری او استراتيژي؛ د موثرې پلانګذارۍ او د سرچینو غوره تنظیم دی، تر څو په شته ستونزو تر برلاسي کېدو وروسته هېواد د اقتصادي پراختیا او ځان بسیاینې په لور حرکت وکړي.

دغه کنفرانس څلور محوري بحثونه لرل (بشري او نیمه پراختیایي مرستې، خصوصي سکټور او سیمه ییز اقتصادي همکاري، د افغانستان د بانکدارۍ سیستم او د افغانستان د زراعت او کانونو سکټور).

لومړی محوري بحث، بشري او نیمه پراختیایي مرستې تر بحث لاندې ونیول سوې او دا چې څرنګه د افغانستان د خلکو د هوساینې مشترکو موخو لپاره د اسلامي امارت هڅې تحقق مومي او له دغو مرستو اغېزمنه او اعظمي ګټه واخلي. په دویم محوري بحث کي ګډونوالو د خصوصي سکټور په حیاتي رول او د افغانستان او سیمې د اقتصادي پراختیا لپاره په سیمه ییزه اقتصادي همکارۍ بحث وکړ.

د بانکدارۍ سکټور بحث، د هېواد د بانکدارۍ سکټور اوسنۍ ستونزې یې و ارزولې او د دې سکټور د پیاوړتیا او پر مخ کي یې د پرتو ستونزو او خنډونو د حللارو لپاره وړاندیز وکړ. وروستی محوري بحث، زراعت او کانونه د اقتصادي ودې د خوځښت په توګه او د دې سکټور له بالقوه ظرفیت څخه د ګټې اخیستنې په څرنګوالي یې هر اړخیز بحثونه وکړل.

د دې کنفرانس په ترڅ کې د ملګرو ملتونو سازمان، نړیوالو مرستندویه سازمانونو او دوستو هیوادونو د افغانستان خلکو ته د بشردوستانه او نیمه پراختیایي مرستو د دوام ډاډ ورکړ.

د یادونې وړده، چي یاد کنفرانس هم مهاله په حضوري او آنلاین بڼه خپور سو.

تازه خبرونه

دوشنبه ۱۴۰۱/۹/۷ - ۱۳:۵۷
Background image

د بودیجې ترتیبولو د لارښود دوه ورځینی ورکشاپ پای ته ورسېد

الیې وزارت د وزارتونو او ټولو دولتي ادارو سره په همغږۍ د ۱۴۰۲ مالي کال د بودیجې جوړولو چارې پیل کړي. په همدې لړ کي د وزارتونو بودیجوي

دوشنبه ۱۴۰۱/۹/۷ - ۱۲:۳۰
Background image

د بلخ سېلو دولتي شرکت 

 د بلخ سېلو دولتي شرکت د رغوني چاري په ۱۳۶۲ل کال پیل او په ۱۳۸۵ل کال پای ته ورسېدې او په فعالیت یې پیل وکړ. دغه شرکت له

یکشنبه ۱۴۰۱/۹/۶ - ۱۴:۱۹
Background image

د بودیجې ترتیبولو د لارښود ورکشاپ تر سره سو

مالیې وزارت د ۱۴۰۲ مالي کال د ملي بودیجې د ترتیبولو چاري پیل کړي دي، چي په همدې لړ کي نن د ۱۴۰۲ مالي کال د بودیجې ترتیبولو لارښود په

BACK TO NEWS