مېرمن کبرا توسلي د پالیسۍ معینیت د زېربنا مشارکت د رئیسې په توګه معرفي شوه
اغلې کبرا توسلي، چې په دې وروستیو کې د مالیې وزارت پالیسۍ معینیت د زېربنا مشارکت د رئیسې په توګه ګمارل شوې وه، د تلې میاشتې په ۲۰ مه نېټه د مالیې وزارت د اداري مرستیال ښاغلي محمد اسماعیل رحیمي، له لوري د دې ریاست کارکوونکو ته ور وپېژندل شوه.
د اغلې توسلي، د پېژندنې په مراسمو کې د څارنې، تحلیل او راپور ورکونې عمومي رئیس او د مالیې وزارت د پالیسۍ معینیت سرپرست ښاغلي محمد ناصر صدیقي، د پالیسیو د تحلیل او پروګرامونو عمومي رئیس ښاغلي سید اولیا هاشمي او د دویم بست یو شمېر رئیسانو او کارکوونکو ګډون کړی وو.
د مالیې وزارت اداري مرستیال، د پالیسۍ معینیت نوې ګمارل شوې رئیسې ته په ورسپارل شویو چارو کې د بریا غوښتنه وکړه او له کارکوونکو یې وغوښتل څو له نوموړې سره بشپړه همکاري وکړي.
