پراختیایي پروژې د اغېزمن پلي کېدو په موخه بیا کتل کېږي
د مالیې وزارت سرپرست محمد خالد پاینده، د افغانستان لپاره د نړیوال بانک رئیس هنري کرالي، سره د ویډیو کنفرانس له لارې خبرې او لیدنه وکړه.
په دې لیدنه کې چې د مالیې وزارت د مالي او پالیسۍ مرستیالانو او یو شمېر رئیسانو او دا راز د نړیوال بانک د مختلفو پروژو متخصصینو حضور درلود، په افغانستان کې د نړیوال بانک په سترو پروژو، د هیواد د لومړیتوبونو او اړتیاوو مطابق د پراختیایي پروژو په طرحه او پلي کولو، د ډیزاین نوي کولو په موخه په افغانستان کې د نړیوال بانک پروژو په ګډه کتنه او د هیواد د اقتصادي اساسي وضعیت په پام کې نیولو سره د پروژو لغوه کولو او یا ښه کولو په تړاو هر اړخیزې خبرې وشوې او په اړه یې اړینې پرېکړې وشوې.
