پر عایداتو د مالیاتو او عمومي محاسبې د ارزونې روزنیز پروګرام پیل سو
د مالیې وزارت بشري منابعو ریاست ارتقا آمریت او عوایدو عمومي ریاست په همغږۍ نوو ګمارل سوو کارکوونکو ته پر عایداتو د مالیاتو او عمومي محاسبې د ارزونې (۱۰) لس ورځنی رونیز پرواګرام پیل سو.
په دغه پروګرام کي د عوایدو عمومي ریاست د ولایتونو د انسجام او پراختیا رئیس مولوي احمدشاه شاکر، د مالیې وزارت بشري منابعو د ظرفیت لوړوني آمر احمد ضیاء نیازی او ګڼو کارکوونکو ګډون درلود.
د پروګرام په پیل کي مولوي احمد شاکر له نوو ګمارل سوو کارکوونکو څخه په خپلو خبرو کي وغوښتل چي له روان رونیز پروګرام څخه هر اړخیزه ګټه پورته او په خپل کاري بهیر کي عملي استفاده ورڅخه وکړي او خپلو دندو ته په صداقت، دیانت او هيوادنۍ مینه ادامه ورکړي.
وروسته بیا د بشري منابعو د ظرفیت لوړوني آمر احمد ضیاء نیازي په خپلو خبرو کي له نوو ګمارل سوو کارکوونکو وغوښتل، چي له یاد روزنیز پروګرام څخه په استفادې خپلي حاضرۍ ته پابند واوسي او ور سپارل سوي مسؤلیتونه دي په پوره دقت، صداقت او کاري انرژۍ ترسره کړي.
د یادوني وړ ده چي دغه ډول ښوونیز او روزنیز پرګرامونه تر دې مخکي هم تر سره سوي، چي د نوو ګمارل سوو کار کوونکو په ظرفیت لوړونه کي ئې ښې لاسته راوړني لرلي دي.
