په امارتي ادارو کي د ګمرکونو او عوایدو معینیت ۵۰ تنو کارکوونکو ته د کارېدونکي مدیریت روزنیز پروګرام ترسره سو
د وري ۱۸مه ۱۴۰۵هـ.ل
د مالیې وزارت د کارکوونکو چارو ریاست؛ د عوایدو او ګمرکونو معینیت (۵۰) تنو کارکوونکو ته په امارتي ادارو کي د کارېدونکي مدیریت په تړاو روزنیز پروګرام ترسره کړ.
په دې تړاو ناسته، چي د دې وزارت د اداري معینیت د غونډو په سالون کي ترسره سوې وه، د ګمرکونو لوی ریاست عملیاتي مرستیال ملا عبدالهادي ابرار، د کارکوونکو چارو ریاست د ظرفیت لوړوني آمر مفتي عبدالوهاب عابد او د دعوت او ارشاد ریاست استازي مولوي وصیف احمد احمدي ګډون کړی وو.
ښاغلي عابد وویل، چي دا پروګرام د ادارو د اړتیا وړاندي کولو پر اساس ترسره سوی. له دې روزنیز پرګرام سره به ستاسو مسلکي مهارتونه وده وکړي او تاسو کولی سئ په ښه توګه خپلې در سپارل سوې دندي مخته یوسئ.
د ګمرکونو لوی ریاست عملیاتي مرستیال وویل، چي تاسو له چمتو سویو امکاناتو او فرصتونو ښه ګټه پورته کړئ او د مسلکي مهارتونو په تر لاسه کولو سره صادقانه او مخلصانه خدمتونه وړاندي کړئ.
د دعوت او ارشاد ریاست استازي وویل، چي تاسو ته فرصت او امتیاز درکړ سوی دئ؛ ترڅو په امارتي ادارو کي د کار کولو ترڅنګ خپلو مسلکي مهارتونو ته هم وده ورکړئ، له همدې کبله له روزنیزو پرګرامونو څخه په ګټه اخیستني سره خپل مسلکي مهارتونه ته وده ورکړئ او شته نواقص اصلاح کړي.
د یادوني وړ ده، چي دا روزنیز پرګرام به (۱۰) ورځي دوام وکړي، چي پلان جوړونه، راپور او مکتوب لیکنه، استعلام او وړاندیز لیکنه، خبري او اړیکي، د بشري سرچینو مدیریت، ستراتېژیک مدیریت او نور اړین او اړوند موضوعات به ګډونوالو ته پکښي تشرېح او تدریس سي.
