په تېرو دو اوونیو کې د ملي عوایدو راټولیدو وضعیت او د حکومت په کچه د ملي بودیجې لګښت
د ۱۳۹۹ مالي کال د وږې میاشتې له ۱۴ مې نه تر ۳۰ مې نېټې پورې ۸ میلیارده ۴۲۳ میلیونه افغانۍ ملي عواید راټول شوي دي. چې له دې جملې ۵۹۳ میلیونه له مستوفیتونو، یو میلیارده ۷۲۶ میلیونه له مالیاتي عوایدو، یو میلیارده ۳۷۷ میلیونه له غیر مالیاتي عوایدو او ۴ میلیارده ۷۲۵ میلیونه له ګمرکونو څخه تر لاسه شوي دي چې د روان کال د وږې میاشتې د لومړیو دو اوونیو په پرتله ۲ میلیارده ۵۸۶ میلیونه افغانۍ لوړ والی ښیې. د روان مالي کال له پیل څخه تر اوسه پورې ۱۱۶ میلیارده ۵۸۹ میلیونه افغانۍ ملي عواید راټول شوي دي.
همداشان د ۱۳۹۹ مالي کال له پیل نه د وږې میاشتې تر ۳۰ مې نېټې پورې ۷۴ میلیارده ۹۸۷میلیونه افغانۍ (۴۵٪) پراختیایې بودیجه او ۱۸۳ میلیارده ۷۲۹ میلیونه افغانۍ (۶۰٪) عادي بودیجه لګول شوی ده چې په ټوله کې د ملي بودیجې ۲۵۸ میلیارده ۷۱۶ میلیونه افغانۍ (۵۵٪) جوړوي.
