په تېرو ۱۵ ورځو کې د ملي عوایدو راټولیدو وضعیت
د روان ۱۳۹۹ مالي کال د چنګاښ میاشتې له (۷ مې – ۲۰ مې نېټې) پورې د هیواد له عوایدي سرچینو څخه ۶ میلیارده ۲۴۱ میلیونه افغانۍ عواید راټول شوي دي. چې ۳۲۹ میلیونه یې له مستوفیتونو، ۲ میلیارده ۱۹ میلیونه یې له مالیاتي عوایدو، ۸۶۵ میلیونه یې له غیرمالیاتي عوایدو او ۳ میلیارده ۲۷ میلیونه د هیواد له ګمرکونو څخه تر لاسه شوي دي.
د روان مالي کال د چنګاښ میاشتې تر ۲۰ مې نېټې پورې په ټوله کې د هیواد ملي عواید ۸۶ میلیارده ۳۷۷ میلیونه افغانۍ راټول شوي دي.
د یادونې وړ ده چې د قانون د حاکمیت او حکومتولۍ عالي شورا له هدایت سم له دې وروسته به مالیې وزارت د هیواد د ملي عوایدو هر ۱۵ ورځنۍ راپور د رسنیو له لارې هیوادوالو سره شریکوي.
