په مالیې وزارت کي د کنټرول خونه (Control Room) فعاله سوه
د مالیې وزارت آی ټي ریاست د دغه وزارت د امنیتي غوره والي په موخه د څارني او کنټرول خوني مدیریت (Control Room) فعال کړ.
دغه مدیریت د مالیې وزارت د شتمنیو د ساتني، د زیانمنو برخو د پیژندني او د غیرقانوني فعالیتونو د مخنیوي په موخه رامنځته او د وزارت له امنیتي قوماندانۍ سره نږدې همکاري لري.
یاد مدیریت د وزارت نه بهر، د وزارت انګړ، د موټرو پارکینګ، هنګر، دهلیزونو او دفترونو کي د امنیتي کمرو په نصبولو سره، د وزارت بېلابيلو برخو ته کافي لاسرسی لري او کنټرول او څارنه ئې کوي.
د مالیې وزارت آی ټي ریاست د کنټرول خوني په کاروني سره غوره امنیت او لا مسئولیت پذیرۍ ته لاسرسی موندلی، په داسي حال کي چي پخوا په مالیې وزارت کي ورته سیسټم شتون نه درلود.
