د اقتصاد عالي شورای شپاړسمه ناسته وشوه
د مالیې وزارت سرپرست او د زېربنا په چارو کې د ولسمشرۍ عالي مقام ستر سلاکار ښاغلي پروفیسور محمد همایون قیومي، په مشرۍ د مرغومې میاشتې په ۵ مه نېټه د اقتصاد عالي شورای شپاړسمه ناسته په ولسمشرۍ ماڼۍ کې ترسره شوه.
په دې ناسته کې د ۱۳۹۸ کال عالي شورای (۱۵) ګڼې ناستې صورت تائید ترڅنګ، د غوري سیمټو او د کرکر- دودکش، اهندرې او خورد درې د ډبرو سکرو د فابریکو تسلیمۍ او تصفیې پلاوي په راپور، جبل السراج سمټو پروژې، د ننګرهار تالک او (کوچني مقیاس) کان کیندنو پروژو د پروپوزلونو ارزونې، د طبیعي ګازو فشار جوړونې دستګاه، په مختلفو ولایتونو کې د استخراج شویو کرومایټو په څرنګوالي او د کرومایټ ډبرو پېرلو لپاره د سوډیفکو شرکت غوښتنې په تړاو بحث او د نظرونو څرګندونې وشوې او په هکله یې لازمې پرېکړې ونیول شوې.
