د قحطي عمل پلان مشرتابه پلاوي دویمه ناسته وشوه
د مالیې وزارت سرپرست او د زېربنا په چارو کې د ولسمشرۍ عالي مقام ستر سلاکار ښاغلي پروفیسور محمد همایون قیومي، په مشرۍ د سلواغې میاشتې په ۱۳ مه نېټه د قحطي عمل پلان مشرتابه پلاوي دویمه ناسته په مالیې وزارت کې وشوه.
په دې ناسته کې په مالي خوندیتوب، مخکې خبرداري ورکولو کمېټې، په شمالي او شمال شرقي ولایتونو کې د وروستیو لږو اورښتونو د تاثیراتو په تحلیل، لازمو تدبیرونو په نیولو او یو شمېر ورته مسایلو په هکله خبرې او د نظر څرګندونې وشوې.
پرېکړه وشوه، چې د قحطي عمل پلان مشرتابه پلاوي درې ګونې عالي کمېټې دې په پورتنیو مواردو کار وکړي، څو د وچکالۍ په صورت کې د زیان اړونې، غذایي خوندیتوب او د وچکالۍ تاثیرات ټیټ حد ته ورسوي.
