د اسیا پراختیایې بانک د کرونا ویروس سره د مبارزې په موخه د افغانستان لپاره ۴۰ میلیونه امریکایې ډالر وړیا مرسته تصویب کړه
د اسیا پراختیایې بانک د کرونا ویروس سره د مبارزې په موخه د افغانستان لپاره ۴۰ میلیونه امریکایې ډالر وړیا مرسته د غویي میاشتې په ۲۲ مه نېټه تصویب کړه.
یاده مرسته به د ۱۵ روغتونونو او روغتیايي تاسیساتو جوړولو چې د ۱۱۰۰ څخه زیات د نویو بسترونو په زیاتولو سره د تجرید څانګې او د جدي پاملرنې واحد به ولري همداشان به د پنځو روغتونونو د بیا رغونې په برخه کې هم مرسته وکړي. دغه روغتونونه او روغتیايي تاسیسات به د امیدواره میرمنو په ګډون د ښځو لپاره د ځانګړو برخو لرونکي وي.
همداشان دغه مرسته به د بېړنۍ اړتیا وړ درملو او طبي تجهیزاتو تدارکات او د کووېډ-۱۹ په ګډون عامه روغتیايي بېړنیو حالاتو ته د افغانستان د ملي روغتیايي سیستم ځواب ویلو ظرفیت او انعطاف جوړولو څخه ملاتړ وکړي.
د مالیې وزارت رهبرۍ د اسیا پراختیایې بانک له مرستو څخه مننه کوي.
د یادونې وړ ده چې د اسیا پراختیايي بانک د افغانستان د پرمختګ اوږدمهال شریک دی او بېړنیو حالاتو کې دغه هېواد ته د ګړندي ملاتړ وړاندې کولو ژوره تجربه لري. په ۲۰۱۴ کې، سترو سېلابونو څخه وروسته چې د افغانستان ۲۷ ولایتونو کې يي کرنیزې ځمکې، سړکونه او کرنیزې زېربناوې يي ویجاړې کړې وې، د اسیا پراختیايي بانک د کرنې وړ سل زره هکتاره له سېلابونو څخه اغېزمن شوې ځمکې بېرته ورغولېې او د سړکونو او پلونو ترمیمولو کې يې ملي مرسته وکړه.
