په تېرو دو اوونیو کې د ملي عوایدو راټولیدو وضعیت او د حکومت په کچه د ملي بودیجې لګښت
د ۱۳۹۹ مالي کال د زمري میاشتې له ۱۷ – ۳۰مې نېټې پورې ۵ میلیارده ۵۴۴ میلیونه افغانۍ ملي عواید راټول شوي دي. چې له دې جملې ۴۰۱ میلیونه له مستوفیتونو، ۶۹۴ میلیونه له مالیاتي عوایدو، ۱ میلیارده ۳۳۴ میلیونه له غیر مالیاتي عوایدو او ۳ میلیارده ۱۱۶ میلیونه له ګمرکونو څخه تر لاسه شوي دي. د روان مالي کال له پیل څخه تر اوسه پورې ۱۰۳ میلیارده ۷۲۹ میلیونه افغانۍ ملي عواید راټول شوي دي.
همداشان د ۱۳۹۹ مالي کال د وږې میاشتې تر لومړۍ نېټې پورې ۶۳ میلیارده افغانۍ (۳۸٪) پراختیایې بودیجه او ۱۶۲،۶ میلیارده افغانۍ (۵۳٪) عادي بودیجه لګول شوی ده چې په ټوله کې د ملي بودیجې ۲۲۵.۶ میلیارده افغانۍ (۴۸٪) جوړوي.
