د افغانستان برېښنا شرکت د مدیره پلاوي ناسته وشوه
د مالیې وزارت نوماند وزیر او سرپرست ښاغلي عبدالهادي ارغندیوال، په مشرۍ د تلې میاشتې په ۱۲ مه نېټه د افغانستان برېښنا شرکت مدیره پلاوي ناسته د مالیې په وزارت کې وشوه.
په دې ناسته کې چې د یاد مدیره پلاوي غړو حضور درلود، د انرژۍ په سکټور کې د لا زیاتو اصلاحاتو په پلي کېدو او د مالیې وزارت د ونډې زیاتوالي په توګه د افغانستان د برېښنا په شرکت باندې د دې وزارت د پورونو په بدلېدو چې د اسیا پرختیایي بانک له وړیا مرستو څخه دي او یو شمېر نورو ورته مسایلو په تړاو خبرې او د نظر تبادله وشوه.
په پای کې د مالیې وزارت د ونډې زیاتوالي په توګه د افغانستان د برېښنا په شرکت باندې د دې وزارت د پورونو په بدلېدو وکړه وشوه او ټاکل شوې ده، چې د نظر غوښتنې لپاره د اسیا پراختیایي بانک ته ولېږدول شي.
د یادونې وړده، چې د مالیې وزارت د ونډې زیاتوالي په توګه د افغانستان د برېښنا په شرکت باندې د دې وزارت د پورونو بدلول او د انرژۍ په سکټور کې اصلاحات له نړیوال بانک سره د افغانستان د حکومت له ژمنو څخه دي، چې د دې ژمنې له پوره کولو سره حکومت کولی شي۲۰ میلیونه امریکایي ډالره تشویقي مرسته له یاد بانک څخه ترلاسه کړي.
