محمد رفیع تابع د مالیې وزارت د اړیکو او عامه پوهاوي نوی رئیس او ویاند معرفي شو
ښاغلی محمد رفیع تابع د مالیې وزارت په وړاندیز او د جمهوري ریاست عالي مقام د حکم له مخې د مالیې وزارت د اړیکو او عامه پوهاوي د رئیس او ویاند په توګه نن د کب میاشتې په ۹ مه نېټه د مالیې وزارت اداري مرستیال ښاغلي عالم شاه ابراهیمي له لوري چې د دفتر لوی رئیس ښاغلي عبدالخالق سرابي هم شتون درلود، د یاد ریاست کارکوونکو ته ور وپیژندل شو.
د مالیې وزارت اداري مرستیال د اړیکو او عامه پوهاوي ریاست او د ویاند دفتر د ارزښت بیانولو تر څنګ، نوي ګمارل شوي رئیس ته په ورسپارل شویو چارو کې د بریا هيله وکړه او د دې ریاست کارکوونکو ته یې هدایت ورکړ چې په چارو کې ورسره لازمه همکاري وکړي.
د اړیکو او عامه پوهاوي نوي ګمارل شوي رئیس د مالیې وزارت د مشرتابه له باورڅخه د مننې ترڅنګ ژمنه وکړه، چې ټولې اړوندې چارې به په پوره ایماندارۍ او صداقت سره پر مخ وړي.
د یادونې وړ ده چې ښاغلى تابع، د مسلکي عالي لوړو زده کړو درلودلو تر څنګ په ملي او نړیوالو رسنیو کې ۱۵ کلنه کاري تجربه لري او له دې وړاندې د کورنیو چارو وزارت د مطبوعاتو اوعامه اړیکو ریاست د سرپرست په توګه یې دنده تر سره کوله.
