د مالیې وزارت سرپرست د افغانستان برېښنا شرکت له لوی رئیس سره وکتل
د مالیې وزارت سرپرست محمد خالد پاینده، د افغانستان برېښنا شرکت له لوی رئیس احمد داؤد نورزي سره وکتل.
په دې کتنه کې دواړو لوریو د روان مالي کال په اوږدو کې د دې ادارې د پروژو پلي کېدو په بهیر، په دولتي ادارو باندې د افغانستان برېښنا شرکت د پورونو او یو شمېر نورو مسایلو په تړاو خبرې وکړې.
د مالیې وزارت سرپرست د بودیجې لوی ریاست ته لارښوونه وکړه، چې پر دولتي ادارو باندې د افغانستان برېښنا شرکت د پورونو په ورکړه کې همکاري وکړي.
