د مالیې وزارت سرپرست د یوه پلاوي په مشرۍ پکتیکا ولایت ته سفر وکړ
د مالیې وزارت سرپرست محمد خالد پاینده، تېره ورځ د یوه پلاوي په مشرۍ، د پکتیکا ولایت د ګمرک او مستوفیت د فعالیتونو ارزونې په موخه چې د عوایدو ګمرکونو مرستیال عالم شاه ابراهیمي، د پالیسۍ مرستیال نذیر کبیري او د ګمرکونو عمومي رئیسې امنې احمدي یې ملتیا کوله دې ولایت ته سفر وکړ.
د مالیې وزارت سرپرست، په دې سفر کې لومړی د پکتیکا له والي ډاکټر مجیب الرحمن څمکني، سره ولیدل چې ورسره قومي مشرانو او مخورو، ملي سوداګرو او د خصوصي سکټور استازو هم خپلې ستونزې د مالیې وزارت له سرپرست سره شریکې کړې. ښاغلي پاینده د ملي سوداګرو او خصوصي سکټور د استازو ستونزو له اورېدو وروسته ژمنه وکړه، چې د مالي امکاناتو او هیواد نافذه قوانینو په پام کې نیولو سره به د دوی ستونزو ته رسېدنه کوي او ترڅنګ یې له دوی سره د ملي عوایدو په لوړېدو، مالیې وزارت په راتلونکو پلانونو او لاسته راوړنو، خصوصي سکټور ته د اسانتیاوو په برابرولو او یو شمېر نورو مسایلو په تړاو خبرې او د نظرونو تبادله وکړه.
وروسته بیا د مالیې وزارت سرپرست ا
وروسته بیا د مالیې وزارت سرپرست او مل پلاوي د برمل ولسوالۍ انګور اډې سیمې ته چې له صفري کرښې سره نږدې پرته ده سفر وکړ، هلته یې هیواد ته تلونکي او راتلونکې قاچاقي لارې و ارزولې او د مخنیوي په لارو چارو یې مسؤلینو ته هدایت ورکړ. همدا شان نوموړي د دې ولایت د ګمرک او مستوفیت د کاري بهیر ارزونه وکړه، د کارکووکو ستونزې یې واورېدې او د دوی د وړتیا لوړولو ژمنه یې ورسره وکړه.
د یادونې وړده، چې د مالیې وزارت سرپرست د ولایتونو د ګمرکونو او مستوفیتونو د وضعیت ارزولو په موخه سفرونه کوي، څو د ملي سوداګرو او خصوصي سکټور د استازو ستونزې له نږدې واوري او په حل لارو یې غور وکړي.
