د مالیې وزارت د عوایدو او گمرکونو مرستیال د کندهار له والي سره وکتل
د مالیې وزارت د عوایدو او گمرکونو مرستیال ملا محمد ناصر اخند د کندهار له والي حاجي محمد یوسف وفا سره د دغه ولایت په مقام کي وکتل. په دغه ناسته کي چي د کندهار امنیه قومندان مولوي رحیم الله محمود او یو شمېر نورو مسولینو هم حضور درلود، د ګمرکي چارو د لا سمون، سوداګرو ته په بېلابېلو برخو کي د اسانتیاوو برابرولو او نورو مسائلو په اړه بحث او خبري وسوې. د کندهار والي په یاد ولایت کي د مالیې وزارت اړوند یو شمېر ستونزي شریکي کړې، چي د ښاغلي ملا محمد ناصر اخوند له لوري ورته د پوره همکارۍ ډاډ ورکړه سو.
