د مالیې وزارت سرپرست د ملي پراختیا شرکت څخه لیدنه وکړه
د مالیې وزارت سرپرست الحاج ملا هدایت الله بدري، چي د ټرانسپورټ وزارت سرپرست ملا حمیدالله اخندزاده، یې هم ملګرتیا کوله د ملي پراختیا شرکت څخه له نږدې لیدنه وکړه.
په دې لیدنه کي د مالیې وزارت سرپرست، د ملي پراختیایي شرکت اداري چاري او د کار کوونکو فعالیتونه له نږدې ولیدل او له ټولو کارکوونکو یې په دې موخه مننه وکړه، چي دوی د شرکت د پرمختګ او د افغانستان د ځان بسیاینې لپاره نه ستړي کېدونکي هلي ځلي کوي.
نوموړي، د ملي پراختیایي شرکت کارکونکو ته ډاډ ورکړ، چي د مالیې وزارت به د ټولو امکاناتو او قوانینو په پام کي نیولو سره له دوی سره هر راز مرسته او همکاري کوي.
