په لومړي ځل د سپین بولدک په ګمرک کي ډیجیټلي تله فعاله سوه
د مالیې وزارت د ګمرکونو لوی ریاست په لومړي ځل د کندهار ولایت د سپین بولدک په ګمرک کي ډیجیټلي تله فعاله او ګټي اخیستني ته وسپارله.
یاده ډیجیټلي تله د باوړونکو موټرو وزن او نمبر پلیټ په اتومات ډول ثبتوي او اسیکوډا سیستم ته یي استوي، چي له دې سره به د ملي عوایدو له ضایع کېدو او اضافه وزن څخه مخنیوی وسي.
د یادوني وړ ده چې د اسلامي امارت په راتګ سره د ګمرکونو لوی ریاست د تخنیکي ټیم له لوري د هیواد په پنځو ګمرکونو (تورخم، حیرتان، اقینه، سپین بولدک او ډنډپټان) کې ډیجیټلي تلی فعاله سوي او په پنځو نورو ګمرکونو کي به هم ژر فعاله سي.