د هيواد په ګمرکونو کي د بشر دوستانه مرستو ګمرکي طی مراحلو کي اسانتیاووي رامنځته سوي
افغانستان چي اوسمهال ډیرو بشري مرستو ته اړتیا لري، مالیې وزارت نړیوالو بشري سازمانونو او موسسو د بشري مرستو ګمرکي طی مراحلو ته لومړیتوب ورکړی، چي د اسیکوډا نړیوال سیسټم په واسطه یې ګمرکي طی مراحلو پروسه کي چټکتیا او اساني رامنځته سوې.
مالیې وزارت د ګمرکونو لوی ریاست له لوري د روان کال په لومړنیو (۷) میاشتو کي د ۶۵.۸ میلیارډه افغانیو په ارزښت درمل، طبي ماشین الات او خوراکي توکي چي افغانستان ته د نړیوالو مرسته کوونکو له لوري وارد سوي ګمرکي معافیت ورکړل سوی دئ.
د یادوني وړ ده چي د یادو توکو د خدمتونو له فیس څخه ۵۲ میلیونه افغانۍ عواید ترلاسه سوي دي.
