د مالیې وزارت د مستوفیتونو عواید د پام وړ زیات سوي
د مالیې وزارت مشرتابه د غوره مدیریت، فساد پر وړاندي ریښتیني مبارزې، په کاري ساحو کي د ژمنو او مسلکي کسانو ګمارلو، سوداګرو، صنعت کارانو او اصنافو ته د مالیاتي جرایمو د معافولو، په اصنافو (دوکاندارانو) له ۱.۵ ٪ سلني څخه ۰.۵ ٪ سلني ته د مالیاتي نورم را ښکته کېدلو او په مستوفیتونو کي قدرمنو مالیه ورکوونکو ته د اړینو اسانتیاوو برابرولو په پایله کي د روان مالي کال په لومړنیو (۱۱) میاشتو کي له مستوفیتونو څخه (۱۱) میلیارډه او (۳۳۶) میلیونه افغانۍ عواید راټول سوي دي، چي د تېرو کلونو په پرتله (۲) ملیارډه او (۱۰۰) میلیونه افغانۍ زیاتوالی ښیي.
