د ګمرکونو لوی رئیس د سپین بولدک د سرحدي ګمرک له چارو څخه لیدنه وکړه
د ګمرکونو لوی رئیس ښاغلی مفتي عبدالمتین سعید چي کندهار ولایت ته په سفر تللی، تېره ورځ یې د سپین بولدک له سرحدي ګمرک څخه لیدنه وکړه.
په لیدنه کي نوموړي د یاد ګمرک له مسؤلینو او کارکوونکو سره د لیدني پر مهال په کاري ساحه کي د دوی شته ستونزي واورېدلې. د ګمرکونو لوی رئیس د دوی د ستونزو د حل په موخه اړوندو چارواکو ته لازم هدایات ورکړل او دوی یې لا زیات خدمت کولو ته وهڅول.
همداشان ښاغلي سعید په دې سفر کي د سپین بولدک سرحدي ګمرک د بر ېښنا تامینولو په موخه د پلي سوي لمریزي برېښنا له پروژې څخه هم لیدنه وکړه.
د یادوني وړ ده چي د ګمرکونو لوی رئیس له نږدې څخه د چارو د ارزولو په موخه د هیواد بېلابیلو ګمرکونو ته سفر کوي څو شته ستونزو ته پر خپل وخت سره رسېدنه وسي.
