د مالیې وزارت د عوایدو لوی ریاست د رهبري پلاوي ناسته ترسره سوه
د مالیې وزارت د عوایدو لوی ریاست د رهبري پلاوي ناسته، د مالیې وزارت د عوایدو لوی رئیس الحاج شېر محمد مشفق په مشرۍ او د عملیاتي او حمایوي مرستیالانو او ګڼ شمېر رئیسانو او آمرینو په ګډون، د ګمرکونو او عوایدو معینیت د غونډو په تالار کي ترسره سوه.
په دغه ناسته کي د سترو او منځنیو مالیه ورکوونکو د اسنادو د طی مراحلو د مدیریت پر څرنګوالي، د شپنۍ ماسټري او دوکتورا پروګرامونو د فیسونو په اړه د لوړو زده کړو وزارت پر وړاندیز، د لومړنیو خوراکي او نفتي توکو واردوونکو شرکتونو د مالیاتو د بررسۍ د تطبیق پر میکانیزم او د تېلو د ټانکونو د دوسیوو د انتقال پرڅرنګوالي هر اړخیز بحث وسو او د ا.ا.ا د هدایاتو او د هيواد د مالياتي قوانينو په رڼا کي د يادو ټولو مواردو لپاره مناسبي حل لاري وټاکل سوې.
