د گمرکونو او عوایدو معین او د عوایدو لوی ریاست مسؤلینو د پانګوني او سوداگرۍ، کانونو او صنایعو او کسبگرو خونو له استازو سره وکتل
د مالیې وزارت د گمرکونو او عوایدو معین الحاج مولوي عبدالقاهر ادریس، د عوایدو لوی ریاست تخنیکي مرستیال عبدالولي نوري، د عوایدو د پالیسۍ او حقوقي خدمتونو رئیس مولوي نداء محمد صدیقي او د گمرکونو او عوایدو لويو ریاستونو نورو مسؤلینو په حضور کي د پانگوني او سوداگرۍ خوني، د کانونو او صنایعو خوني او د هېواد یو شمېر هټیوالو له غړو او مسؤلینو سره د مالیې وزارت د گمرکونو او عوایدو معینیت د غونډو په تالار کي وکتل.
په دې ناستي کي د خصوصي سکټور د ستونزو د حل گډي کمېټې لارښود په اړه بحث او خبرې وسوې.
د خصوصي سکټور د ستونزو د حل گډه کمېټه د امیرالمؤمین (حفظ الله) د حکم پر بنسټ د مالیې وزارت د گمرکونو او عوایدو معینیت له خوا د پانگوالو او متشبثینو لپاره د اسانتیاوو رامنځته کولو په موخه رامنځته سوې ده.
