د اندخوی، خوست او ننګرهار د ګمرکونو لپاره نوي سرپرست رئیسان معرفي سول
د ګمرکونو لوی ریاست په وړاندیز او د مالیې وزارت مقام په منظورۍ ښاغلی خلیل الرحمن مصطفی د اندخوی ګمرک د نوي سرپرست رئیس، ښاغلی محمد خالد منظور احمد د ننګرهار ګمرک د سرپرست رئیس په توګه او ښاغلی ملا عبدالهادي ابرار د خوست ولایت ګمرک د سرپرست رئیس په توګه د یادو ګمرکونو کارکوونکو ته ور وپېژندل سول.
نوي معرفي سوي کسان په اړوندو او نورو کاري برخو کي بشپړي تجربې لري. ښاغلی خلیل الرحمن مصطفی له دې وړاندي د ننګرهار، پکتیا او سپین بولدک په ګمرکونو کي د معاون په توګه دندي تر سره کړي، ښاغلي محمد خالد منظور احمد تر دې مخکي د خوست ګمرک د رئیس په توګه او ښاغلي ملا عبدالهادي ابرار له دې وړاندي د ننګرهار ګمرک د رئیس په توګه دنده تر سره کړې ده.
د مالیې وزارت رهبري هڅه کوي، چي د مسؤلو اشخاصو په تغییر او تبدیل سره د دوی تجربې له یوه بل سره شریکي کړي او د چارو د لا پرمختګ لپاره ورڅخه ګټه واخلي.
